Lakad Ng Pag-Asa by @leebaong
Ako'y nakapag-isip kung ano ba talaga Ang halaga ng buhay ko sa buhay ng iba. Bawat isa'y may kabuluhan sa mata Kung nakikita lang rin naman sana.
Di pwedeng nakakakain lang ako Tatlong beses sa isang araw, okay na 'to. Buhay ay lumilipas lang Buhay ko'y may katapusan.
Habang buhay pa ako Ano bang nagagawa ko? Habang may hinihinga pa ako Ano ba ang naibibigay ko?
Sa Lakad Ng Pag-asa ako'y namulat, Namulat sa pag-asang pwede kong dalhin at ikalat Ikalat sa mga taong nangangailangan Ng edukasyon na walang kamatayan.
Wala nga kami'ng milyones na maipamimigay Wala man kami'ng yaman at ginto na maialay Pero ang nais namin ay di biro Higit pa sa milyones at ginto.
Sa lahat ng may paa, Bigyan natin ng pag-asa At sa lahat ng may pag-asa, Bigyan natin ng mga paa.
Dahil sa totoo lang, di na kailangan ng pisikal na paa Kundi determinasyon at paniniwala sa kakayahan ng iba, Ito'y magtataguyod satin patungo sa pangarap ng isa't isa Kaya huwag kalimutan ang munting dulot ng Lakad Ng Pag-asa.
Banner photo by Ian Abalos, graphics by @bearone
A big "Thank You" to kuya @leebaong for his contribution to our @walkofhope Project, 50% of this post's payout will be rewarded to him. With Gratitude.
@immarojas